Eiga at gera endurgjaldsskipan fyri stormskaðar

Alt fleiri stormskaðar henda, og tí má landsstýrið seta sjøtul á arbeiðið at raðfesta, hvør skal rinda rokningina, tá skaðin er hendur.

Tað segði Bjørt Samuelsen, løgtingskvinna, tá hon var gestur í Breddanum í morgun.

Evni var veðurlagsbroytingar, og hvør skal rinda rokningina fyri stormskaðar.

Tríggir skaðar í Húsavíkar kommunu

Húsavíkar kommuna er í tí støðu, at síðani 2017 hevur kommunan tríggar ferðir havt skaðar. Tveir brimskaðar í 2017 og 2020, og í januar gjørdi áarføri skaða í Dali.

Og sambært borgarstjóranum, Jákupi Martini Sørensen, er rokningin fyri skaðarnar so mikið stór, at skal kommunan gera ábøturnar, fer tað at mangla í aðrastaðni.

Magnus Rasmussen, landsstýrismaður í kommununumálum, sigur, at arbeitt verður við málinum. Hann var gestur í útvarpsstovuni.

Hoyr innslag í útvarpstíðindunum.