Kiev stavast Kyiv

Í langa, langa tíð stavaði mann ukrainska høvuðsstaðin, Kiev, K-i-e-v. Tað er russiski stavihátturin, meðan tann ukrainski er Kyiv.

Elin Henriksen, málkøn, greiðir frá, hvussu navnið á ukrainska høvuðsstaðnum skal stavast og úttalast.

Føroysku reglurnar

Meginreglan fyri stavseting av geografiskum nøvnum, sum verður nýtt á føroyskum, er tann sama sum í grannalondum okkara:

Nøvn á londum verða stavað og søgd á føroyskum.

Nøvn á býum og øðrum landafrøðiligum fyribrigdum verða stavað á høvuðsmálinum í viðkomandi landi.

Undantikin eru tær áir, fjallaketur og tey høv, sum røkka um fleiri lond. Tey verða skrivað á føroyskum.