Russarar fremja krígsbrotsverk

Tað er eitt greitt krígsbrotsverk, um russarar leggja minur út har hús, útgerð ella lík eru. Tað sigur Anders Puck Nielsen, sum er hernaðargreinari á danska Verjuakademinum.

Í nátt ákærdi Volodymyr Zelenskyj, ukrainski forsetin, russarar fyri at leggja minur út í Kyiv í samband við at russiski herurin hevur tikið seg aftur úr Kyiv og Tjernihiv-økinum.

Zelenskyj vildi vera við, at minur við vilja vórðu lagdar undir lík, sum liggja á gøtuni í Kyiv.

Hoyr Anders Puck Nielsen, hernaðargreinara, greiða frá í innslagnum.