FNU: Hiddenfjord hevur gjørt ov lítið

Jón Kragesteen, formaður í Føroya Náttúru- og Umhvørvisfelag, FNU, metir ikki, at Hiddenfjord hevur gjørt nóg nógv fyri at fáa vrakið flutt, nú eitt ár er farið, síðani Hellutangi sleit og fór á land.

Atli Gregersen, stjóri í Hiddenfjord, vil ikki gera samrøðu við Kringvarpið um Hellutanga, men sigur í stuttari viðmerking, at arbeitt verður við at fáa Hellutanga tiknan burtur.

Men Atli Gregersen vil onki siga um nakra tíðarætlan fyri arbeiðið.

FNU mótmælti

Tá ið tað í 2018 kom fram, at ætlanir vóru um at fara at ala á Víkum, so mælti FNU staðiliga frá tí.

Mótmælisskriv vórðu send myndugleikunum, og skipað varð fyri fólkafundi.

"Tá vit ongantíð ynsktu fóðurflakan ella alingarvirkesmi á Víkum, so kunnu vit ikki góðtaka annað enn at flakin verður tikin burtur," sigur Jón Kragesteen, formaður í Føroya Náttúru- og Umhvørvisfelag