Nú eru 46 ukrainsk flóttafólk í Føroyum

Higartil eru 46 flóttafólk úr Ukraina komin til Føroya. Tey fyrstu komu fyri tveimum mánaðum síðani.

Flestu teirra hava fingið bústað, og nøkur eru eisini farin til arbeiðis.

Við serlógini fáa flóttafólkini næstan somu rættindini, sum føroyingar hava, og tað gongur skjótt at avgreiða umsóknirnar.

Hoyr Duritu Kastalag, integratiónsvegleiðara á Útlendingastovuni, í útvarpstíðindunum.