- Tíðindi, mentan og ítróttur
Varpa ljós á talgildan harðskap
Nú skal ljós varpast á talgildan harðskap, sum eitt nú tær nógv umrøddu myndirnar av føroyskum kvinnum, ið ferðast á netinum.
Rannvá Magnadóttir er stigtakari, og hon var ein teirra, sum í síðstu viku greiddu frá sínari uppliving við talgildum harðskapi, har myndir av henni ferðast á netinum, sum hon ikki hevur givið samtykki til í tí sokallaðu Golden Maps.
Í dag hittast kvinnur, sum hava upplivað slíkan harðskap, og í næstum verður skipað fyri einum størri tiltaki.
Frásøgdu sær skommina
Tað var í síðstu vikum, at nakrar av kvinnunum á sonevnda Golden Maps-listanum traðkaðu alment fram og tóku frástøðu frá talgilda harðskapinum, ið tær verða útsettar fyri.
Rørslan byrjaði á Instagram, men hevur nú breitt seg til alt samfelagið.
Kvinnurnar søgdu frá sær skommina, ið nógv hava hug at áleggja teimum, tí at privatar myndirnar av teimum liggja á internetinum.
"Eg havi onki at skammast yvir," staðfestir Rannvá Magnadóttir, sum nú hevur tikið stig til, at kvinnur, ið hava verið fyri talgildum harðskapi, fylkjast.
Tak niður