Rentuhækkingin í USA ávirkar ikki okkum

Tað fer ikki at merkjast um okkara leiðir, at amerikanski tjóðbankin hækkar vegleiðandi rentuna 0,75 prosentstig, ið er størsta hækkingin síðani 1994.

- Rentan her heima verður í síðsta enda ávirkað av Evropiska Miðbankanum. Tí skulu vit ikki rokna við prísvøkstri í Føroyum, hóast rentan er farin nógv upp í USA.

Tað sigur Johnny í Grótinum, námslektari í búskaparfrøði á Fróðskaparsetrinum.

Hoyr innslag í útvarpstíðindunum.

Amerikanski tjóðbankin sigur í fráboðan, at stóra rentuhækkingin í landinum er neyðug fyri at tálma prísvøksturin.

Tað er ikki bara í USA, at rentan nú fer upp.

Tjóðbankin í Bretlandi hevur í dag boðað frá, at rentan har hækkar 0,25 prosentstig upp í 1,25 prosent.