- Orðaskiftið ávirkar neyvan fríhandilsavtaluna

12.07.2022 - 17:39
Innlendis
- Orðaskiftið ávirkar neyvan fríhandilsavtaluna
Tað sigur Kate Sanderson, føroysk sendikvinna í London, um orðaskiftið í Westminster Hall herfyri, tá tingfólk í bretska parlamentinum skiftu orð um grindadráp.
0 seconds of 0 secondsVolume 90%
Press shift question mark to access a list of keyboard shortcuts
00:00
00:00
00:00
 
Kate Sanderson er føroysk sendikvinna í London.

- Fordøming steðgar ikki miðaldarsiðvenjuni hjá føroyingum at drepa grind. Vit mugu vísa teimum, at tað fær handilsligar avleiðingar. 

Soleiðis segði John Nicholson, limur í skotska tjóðarflokkinum, undir orðaskiftinum, sum var í Westminster Hall mánadagin, tá bretsk tingfólk skiftu orð um grindadrápið.

Orðaskiftið kemst av, at fleiri enn 104.000 fólk hava skrivað undir eina áheitan móti føroyskum grindadrápi. Tá ið ein áheitan fær yvir 100.000 undirskriftir, kann málið takast upp í parlamentinum. 

Í áheitanini verður víst á, at Føroyar og Bretland í 2019 undirskrivaðu eina fríhandilsavtalu, sum loyvir føroyingum at útflyta fiskavøru og laks fyri eitt virði upp á umleið 900 milliónir krónur á bretska marknaðinum. Og eisini verður kravt, at handilsavtalan verður sett úr gildi, til føroyingar gevast at drepa hval. 

Stúrir ikki fyri fríhandilsavtaluni

Men Kate Sanderson, sendikvinna í London, er ikki stúrin um fríhandilssáttmálan millum Føroyar og Bretland.

- Bretland hevur í fleiri áratíggju gjørt vart við sína støðu viðvíkjandi grinda- og springaradrápi. Tí kemur hetta orðaskiftið ikki heilt óvart á meg, sigur Kate Sandersson, sendikvinna í London.

Nógv hvassorðað mótmæli vóru aftan á stóra springaradrápið í september í fjør. Hetta er kortini ikki nakað, ið verður kjakast nógv um á politiskum stigi longur. Eisini hóast Bretland sigur seg hava eina greiða støðu til grinda- og springaradráp, sigur Kate Sanderson. 

- Tá 10.000 fólk høvdu skrivað undir, kom bretska stjórnin við skrivligum svari. Og tað var eitt svar, sum vit hava hoyrt ofta fyrr. At bretska stjórnin er ímóti hvalaveiðu og ætlar at minna okkum á tað, sigur Kate Sanderson. 

Sendikvinnan væntar ikki, at orðaskiftið í Westminster Hall fer at hava nakrar fylgjur við sær. Um so er, so skal avgerðin takast nógv longri upp, sigur hon. Til dømis um eitt tingfólk ber eitt uppskot beinleiðis í tingið. 

Kate Sanderson harmast tó um stigi á kjakinum, sum var mánadagin, sum einans tók støði í tilfari og frágreiðingum frá Sea Shepard og líknandi felagskapum.

 
Er kopiera
Nýggjastu sendingar í ÚV
Sunnudag 18. mai
Bolero
192020
Sunnudag 18. mai
Guðstænasta í Leirvíkar kirkju
192015
Sunnudag 18. mai
Kallið: "Tað bar á mál".
191902
Leygardag 17. mai
Jambalaja - 170525
191991
Leygardag 17. mai
Upp á tá - 160525
191988
Nýggjastu sendingar í SV
Sunnudag 18. mai
Andakt
192017
Sunnudag 18. mai
Guðstænasta úr Leirvíkar kirkju
192018
Sunnudag 18. mai
FM í estetiskum fimleiki 2025
192023
Fríggjadag 16. mai
KAKUMiKS (7:7)
191925
Fríggjadag 16. mai
Guðstænasta úr Havnar kirkju
191959