Hava sett Føroyar á heimskortið

Liðið vann fýra av sínum sjey dystum, tapti tveir tepurt og fekk bara ein avsmurning á leiðini fram ímóti málinum í kappingini, sum var at enda í Topp 10.

Tað eydnaðist og føroysku U20-spælararnir skulu næsta ár sum U21-spælarar við til HM-endaspælið, sum verður í Týsklandi og Grikkalandi.

- Hetta hevur verið eitt hart endaspæl, har fleiri av spælarunum hava verið undir trýsti, tí talan hevur verið um so nógvar dystir í so fáar dagar, sigur ein av venjarunum, Julian Johansen. 

Tvey føroysk landslið afturat skulu spæla endaspøl í summar, tí fyrst í august mánaði skulu U18-menninir spæla EM-endaspæl í Montenegro, og frá 30. juli til 10. august skulu U18-kvinnurnar spæla HM-endaspæl í Norðurmakedonia.