Anni Højgaard er danmarkarmeistari í fríkaving

Anni Højgaard, ið er ættað úr Saltangará, er danmarkarmeistari í fríkaving, sum er kaving uttan luftfløskur.

Anni Højgaard, Fríkaving

Anni Højgaard gjørdist danmarkarmeistari, tá hon í kapping í Noregi í gjár kavaði niður á 21 metrar uttan fitjur, og í dag kavaði niður á 25 metrar við fitjum.

Anni Højgaard, Fríkaving

Tað var av tilvild, at Anni Højgaard byrjaði at íðka fríkaving uttan luftfløskur.

"Fyri tveimum árum síðani møtti eg einum dana, ið síðani bleiv sjeikurin hjá mær, og hann er millum teir allarbestu fríkavararnar í Danmark. Tað merkti, at skuldu vit síggjast, so mátti eg fara við honum til venjingar, og soleiðis bleiv eg eisini sjálv bitin av ítróttini," greiðir Anni Højgaard frá.

Anni Højgaard

Frítekst tagging: 

Anni Højgaard

Frikaving

Hoyr samrøðuna við Anni Højgaard við at trýsta á startknøttin undir myndini.

Næsta stóra avbjóðingin í fríkaving hjá Anni Højgaard verður í næstum, tá hon skal kappast í oynni Amorgos, sum bleiv heimskend orsakað av fríkavara-filminum Big Blue hjá Luc Besson.

Her kavar Anni Højgaard niður á 21 metrar uttan fitjur og luftfløskur.

Her kavar Anni Højgaard niður á 25 metrar við fitjum, men uttan luftfløskur.