Bjarti kríggjast fyri Ukraina

bannari
02.09.2022 - 21:00
Aktuelt
Bjarti kríggjast fyri Ukraina
Bjarti Grunnveit Olsen úr Haldórsvík er í løtuni í Ukraina, har hann hevur limað seg inn í ukrainska herin, sum berjist móti russisku innrásini
Bjarti Grunnveit Olsen er sjálvboðin farin í kríggj fyri Ukraina fyri at steðga russisku innrásini
Mynd: Bjarti Grunnveit Olsen á Facebook  

"Eg fái ikki tosað nú, tí ávaringarlúðurin fór júst at ýla, so eg má fara."

Meðan fleiri av hansara javnaldrum gera seg klárar at fara í býin í kvøld, so er 25 ára gamli Bjarti Grunnveit Olsen úr Haldórsvík í krígsrakta Ukraina.

Bjarti Grunnveit Olsen er nevniliga hermaður og hevur seinastu seks vikurnar verið partur av ukrainska herinum, sum berjist móti russisku krígsmaskinuni. 

 

Ukraina má stuðlast

Men hvat fær ein ungan føroying sjálvbodnan at fara í kríggj fyri eitt fremmant land?

"Ukraina hevur brúk fyri øllum tí stuðli, sum landið kann fáa, og tað er neyðugt, at onkur tekur vápn í hond, tí russar fremja ræðuleikar her í Ukraina." staðfestir Bjarti Grunnveit Olsen avgjørdur. 

Hann er í løtuni ikki við hermótið, men er við til at venja nýggjar útlendskar hermenn, sum seinni fara til hermótið.

Mett verður, at 20.000 útlendskir hermenn taka lut í krígnum á ukrainskari síðu.

 

Fortíð í donsku lívverjuni

Hernaðartænasta er ikki fremmand fyri Bjarta Grunnveit Olsen. Hann hevur eina fortíð í donsku lívverjuni, og tann lærdómurin kemur væl við nú.

Gerandisdagurin í krígsherjaða landinum er ikki lættur, og sjálvt fólk við royndum frá øðrum hermótum hokna undir trýstinum.

Tað er meira enn eitt hálvt ár síðan, at Russland gjørdi innrás í Ukraina. Síðan tá hava harðir bardagar verið gerandiskostur millum russiskar og ukrainskar herdeildir. 

Bjarti Grunnveit Olsen hevur verið í Ukraina í umleið seks vikur. Eingin dagfesting er sett á, nær hann kemur aftur til Føroya. Hann hevur bundið seg til at vera í hernaðartænastu har næstu trý árini.
 

 
Er kopiera

Tak niður

Nýggjastu sendingar í ÚV
Fríggjadag 23. februar
Fiskivinnuting á Torradøgum
171118
Fríggjadag 23. februar
«Eg trúgvi; hjálp tú vantrúgv míni!» 
171082
Fríggjadag 23. februar
Góðan morgun Føroyar 23.02.24
171102
Fríggjadag 23. februar
Kvørnin um FMA 2024
171076
Hósdag 22. februar
RagnarRokk 22. februar 2024
170113
Nýggjastu sendingar í SV
Hósdag 22. februar
Heim, kæra heim (3:3)
171039
Mikudag 21. februar
Salka Valka kring knøttin (5:6)
50680
Mikudag 21. februar
Salka Valka kring knøttin (6:6)
51045
Mikudag 21. februar
Eg eri tvørkynd/ur
170916
Týsdag 20. februar
Veðrið
170886