Fleira enn 10 milliónir ukrainar flýddir

Tað vísir ein uppgerð hjá ST flóttafólkastovinum, UNHCR.

3,7 milliónir fólk eru flýdd til onnur støð í Ukraina, meðan 6,5 milliónir ukrainar eru flýddir av landinum, í høvuðsheitum til onnur evropeisk lond.

Í 2021, also áðrenn russisku innrásina, búðu góð 43 milliónir fólk í Ukraina.

60% ætla ikki heimaftur

Av teimum, sum eru flýdd til Danmarkar, eru tað fleiri enn 60 prosent, sum ikki ætla sær aftur til Ukraina, tá kríggið er liðugt.

Tað vísir ein kanning hjá stovninum fyri sálarfrøði á Universitetinum í Keypmannahavn, sum TV2 endurgevur.

Gott 30.000 ukrainsk flóttafólk eru komin til Danmark, síðani Russland fór inn í Ukraina.

Ukrainsku flóttafólkini í Danmark hava fyribils uppihaldsloyvi til í mars komandi ár.

Mette Blauenfeldt, leiðari fyri vitan og menning hjá donsku Flóttafólkahjálpini sigur, at bæði serfrøðingar og flóttafólkini sjálvi høvdu vónað, at tey bert skuldu vera flóttafólk í stutta tíð, men at tey longu nú hava verið nógv longri enn vónað.

Tí eru mong farin at missa vónina um at sleppa heimaftur, samstundis sum tey ikki vita, hvat tey fara heimaftur til.

Men hetta er bert enn ein stúran hjá flóttafólkunum, tí tað er framvegis ósannlíkt, at tey sleppa at vera verandi, tá fyribils uppihaldsloyvi gongur út komandi ár, skrivar TV2.