Málteigurin: Til ella á stevnu

09.09.2022 - 14:30
Mentan
Málteigurin: Til ella á stevnu
Fleiri siga, at tey fara til stevnu, men tað er ikki rætt, tí í júst hesum førinum tilskilar orðið, til, staðið, ið farið verður til - ikki endamálið ella málið við ferðini
Tilvildarlig mynd

Hesi smáu orðini, sum siga okkurt um hvar, hvagar, hvaðan, nær og tílíkt, kalla vit fyrisetingar.

Tey standa vanliga framman fyri okkurt annað.

Fyrisetingar standa vanliga framman fyri onnur orð.

Elin Henriksen, málkøn, heldur tað tykist, sum vit duga alsamt verri at brúka allar fyrisetingar, so tær einfaldastu verða mest brúktar, og harvið missa vit fjølbroytni í málinum og evnini at kunna siga eitthvørt við fáum orðum.

Í sambandi við 'hvagar' nýta vit fyrisetingina til, tvs.tá ið vit skulu tilskila staðið, sum farið verður til. Og vit siga ofta á, tá ið vit skulu tilskila málið ella endamálið við ferðini.

 

Elin Henriksen, málteigurin

Caption: 
Vit fara til Nólsoyar, og hvat skulu vit gera har, jú, vit fara á ovastevnu.

 

 

Vit fara til Havnar á ólavsøku.
Til Danmarkar á skeið.
Til Onglands á fund.

 

Munur er á fjall og til fjals

Vit kunnu fara ein túr í hagan og fara til fjals, men tá ið vit fara á fjall, so er tað við tí endamáli at reka seyð.

- Tí ber heldur ikki til at siga, at mann fer á fjall, tá ið talan er um ein túr niðan í fjøllini, sigur Elin Henriksen.

Málteigurin er í útvarpinum mánamorgun klokkan 9.05. Sendið tykkara spurningar til Elina her.

 
Er kopiera

Tak niður

Nýggjastu sendingar í ÚV
Týsdag 31. januar
Morgunlestur týsdagur 31. januar 2023
151580
Mánadag 30. januar
Norðurljóð 30.januar 2023
151670
Mánadag 30. januar
Góðan morgun Føroyar 30.01.2023
151664
Nýggjastu sendingar í SV
Sunnudag 29. januar
Andakt við Peter Fleetwood
151642
Sunnudag 29. januar
Guðstænasta úr Glyvra kirkju
151640
Hósdag 26. januar
Foytar greyðir 1
151528
Týsdag 24. januar
Vísindavøka 2022
151430