Umbyggja kanska gamlar alibátar til el

Alibáturin, Grønarók, sum var latin Bakkafrosti í dag, kostar 15 mió krónur.

Av hesum rindar norðurlendska ráðharraráðið fýra mió krónur, sum part av verkætlan saman við landsstýrinum, sum hevur til endamáls at finna grønar orkuloysnir til fjarskotin øki.

Regin Jacobsen, stjóri á Bakkafrosti, sigur, at í løtuni eru ongar ætlanir um at bíleggja fleiri slíkar bátar, tí tøknin er framvegis í menning. Men kanska verða fleiri av gomlu alibátunum umbygdir til el.

Kári Mortensen, deildarleiðari á Umhvørvisstovuni, sigur, at hann er sannførdur um, at alifyritøkurnar skjótt fara at síggja fyrimunir við el-riknu bátunum.

Hoyr innslag í útvarpstíðindunum.

Grønarók, el-rikni alibáturin

Grønarók fór royndartúr við gestunum. (Mynd: Bjarni Árting Rubeksen)

Mouritz Mohr, MEST

Mouritz Mohr, stjóri á MEST, sum hevur smíðað Grønurók. (Mynd: Bjarni Árting Rubeksen)