Hákun West av Teigum hvørki váttar ella avsannar skiftið til Bundesliguna

25.10.2022 - 12:30

Innlendis

"Um eina viku kann eg vátta, um hatta er satt ella ikki," sigur Hákun West av Teigum, sum verður settur í samband við týska toppliðið í Bundesliguni í hondbólti, Füchse Berlin

Uni L. Hansen

Aktivera javascript

Hákun West av Teigum,. ið sæst til vinstru á myndini, kann sambært danska TV2 Sport skjótt eisini fegnast um, at hann hevur skrivað sáttmála við oddaliðið í týsku Bundesliguni, Füchse Berlin

Mynd: Skanderborg Aarhus Hondbold á Facebook

TV2 Sport veit at siga, at føroyski landsliðsvongurin í hondbólti, Hákun West av Teigum, skal loysa danska Hans Lindberg av í týska Füchse Berlin.

Greitt er, at Hans Lindberg ikki fær nýggja sáttmála.

20 ára gamli Hákun West av Teigum kann ikki vátta ella avsanna tíðindini hjá TV2 Sportttt.

"Beint nú eru hatta bara leysasøgur hjá TV2, men um eina viku kann eg vátta, um hatta passar ella ikki," sigur Hákun West av Teigum, sum í løtuni er staddur í Makedonia, har hann í kvøld skal spæla dyst í Europa League við danska felagi sínum, Skanderborg Aarhus, móti HC Eurofarm Pelister.