Vit velja ikki eins til fólka- og løgtingsval

31.10.2022 - 17:55

Innlendis›Politikkur

Tað sigur Johan Poulsen, formaður í valstýrinum í Hósvík, sum hevur kagað í tølini á valstaðnum til undanfarin val.

Elin Michelsen

0 seconds of 0 secondsVolume 90%

00:00

Javnaðarflokkurin hevur verið javnt stabilt stórur í Hósvík, men fara vit eini tíggju ár aftur í tíðina, er fordeilingin ein heilt onnur, tí tá vóru Fólkaflokkurin og Tjóðveldið minst líka sterkir sum Javnaðarflokkurin.

Til fólkatingsvalið seinast vóru tað listi B og C sum skaraðu framúr, meðan myndin var ein heilt onnur til løgtingsvalið, har tað vóru listi B, C og E, sum lógu sera tættir, so dynamikkurin er ikki heilt hin sami til hesi bæði valini, sigur Johan Poulsen.

Eitt, sum uttan iva hevur havt stóran týdning fyri lista E ta ferðina, var, at ein av teimum uppstillaðu hjá flokkinum, býr í Hósvík.

236 fólk hava valrætt í Hósvík.