Anna týðandi nevndarsess

19.11.2022 - 12:48
AktueltPolitikkur
Anna týðandi nevndarsess
Fólkatingsumboðið hjá Sambandsflokkinum, Anna Falkenberg, hevur fingið fast sæti í uttanríkispolitisku nevndini í nýggja Fólkatinginum.
Mynd: Bjarni Árting Rubeksen  

– Hetta er valdsmiklasta nevndin í Fólkatinginum, sigur Anna Falkenberg, sum heldur seg kunna brúka sessin til gagns fyri Føroyar.

Danska grundlógin sigur, at uttanríkispolitiska nevndin skal vera við til at leggja uttanríkispolitikkin hjá stjórnini fyri alt kongaríkið.

Samstundis sum Anna Falkenberg hevur fingið nevndarsessin, er greitt, at hvørki javnaðarumboðið, Sjúrður Skaale, ella tey bæði grønlendsku fólkatingsumboðini, Aki-Matilda Høegh-Dam úr Siumut ella Aaja Chemnitz úr IA, fáa sess í nevndini.

Hinvegin eru vinstravendu flokkarnir í fólkatinginum samdir um at bíða við at velja fólk í uttanríkispolitisku nevndina, til ein nýggj stjórn er skipað, og tí eru hesi trý enn bara varaumboð í nevndini, sum tey eisini hava verið tað síðstu trý árini.

 
Er kopiera

Tak niður

Nýggjastu sendingar í ÚV
Nýggjastu sendingar í SV
Sunnudag 25. februar
Andakt við Beintu Áargarð
171199
Sunnudag 25. februar
Guðstænasta úr Leirvíkar kirkju
171191
Fríggjadag 23. februar
Veðrið
171154
Hósdag 22. februar
Heim, kæra heim (3:3)
171039