SSL-stjórin við neyðarkalli

Hann kallar tíðindaskrivið, hann hevur sent út í dag, fyri eitt neyðarkall og vísir á, at eingin hugur er at játta pengar til íløgur í nýggjar fergur, og tí heldur hann tað vera neyðugt at leggja stovnin um til alment partafelag.

– Eitt partafelag kann lána pengar til at byggja nýggjar fergur fyri, sigur strandferðslustjórin, ið var gestur í útvarpstíðindunum í kvøld.

Miðalaldurin á trimum teimum elstu fergunum hjá Strandferðsluni er 46 ár ella nærum tvífalt aldurin á einum bilellisakfari: Ritan er 51 ár, Sam 46 ár og Ternan er 42 ár, og so kemur Sildberin, sum er 28 ár.

- Eitt skip má eisini koma til Hest-leiðina, sigur Niels Juel Arge, ið vísir á, at ein komandi samgonga má leggja eina ítøkiliga ætlan fyri, hvussu gomlu fergurnar kunnu verða skiftar út.