Vinnuhúsið: Politiska skipanin má raðfesta fríhandilsavtalur

Vit hava ov fáar fríhandilsavtalur við umheimin, og hetta skaðar kappingarføri hjá føroyskum fyritøkum.

Henda boðskapin bar Niels Winther, stjóri í Vinnuhúsinum, fram á tiltaki hjá Bank Nordik í gjárkvøldið, um geopolitisku støðuna í heiminum.

Hóast politiskur vilji er at samráðast við londini, sum vit keypa og selja frá, so er torført at vera tikin á álvara sum lítil tjóð í einum stórum heimi.

Tær avtalurnar, vit hava, eru heldur ikki nóg góðar, leggur Niels Winther aftrat.