- Tíðindi, mentan og ítróttur
Spreingja 45 metrar yvir tunlinum
29.01.2023 - 18:32
Aktuelt
Spreingja 45 metrar yvir tunlinum
At gera spreingiarbeiði beint yvir Eysturoyartunlinum er ikki sørt av eini avbjóðing hjá fyritøkuni RTS, ið spreingir grót úr bakkanum norðan fyri Saltsøluna á Toftum.

RTS spreingir grót úr bakkanum norðan fyri Saltsøluna á Toftum, bara 45 metrar yvir Eysturoyartunlinum
Mynd: RTS
RTS skal spreingja so mikið úr bakkanum, at umleið 38.000 rúmmetrar av gróti kunnu fáast til grótverjuna í Oyrunum, ið skal leingjast einar 80 til 90 metrar.
– Av tí at benið er bara einar 45 metrar frá sjálvum Eysturoyartunlinum, hevur verið neyðugt at lagt munandi smærri løðingar, og tí gongur arbeiðið eisini seinni enn upprunaliga ætlað, sigur Andrias Lamhauge, stjóri í RTS.
Umframt grót úr bakkanum norðan fyri Saltsøluna, skal eisini grót frá eini íbúðarverkætlan á Regnavegnum brúkast til grótkastið í Oyrunum.
At grótkastið verður longt millum 80 og 90 metrar, fær kyrru í Oyrahavnina, og Nes kommuna sigur hetta leggja lunnar undir eina byrjan til at gera Oyrarnar til eitt miðstaðar- og trivnaðarøki.
Tak niður
Nýggjastu sendingar í ÚV
Nýggjastu sendingar í SV