Ov trupult at fáa føroyskt kjøt

Vit hava nógvan seyð og eitt sindur av neytum. Men tað er ikki lætt hjá vanliga borgaranum at fáa hendur á føroyskum kjøti, og tí keypa vit útlendskt.

Maria Gunnleivsdóttir Hansen er umhvørvisviðgeri á Umhvørvisstovuni, og var ein av fyriskiparunum av ráðstevnuni um Burðardygt matsjálvbjargni í Føroyum, sum Umhvørvisstovan og Búnaðarstovan í felag skipaðu fyri, sum liður í einari norðulendskari verkætlan.

Bøndurnir eru samdir við sjónarmiðinum. Tað er ov trupult at fáa landbúnaðarvørur út til føroyska brúkaran. Sonja Dalsgaard Nolsøe er bóndi á Dúvugørðum í Saksun.

Fólk búgva ørðvísi nú enn fyrr, og tað hevur eisini broytt keypsmynstrið nógv. Fólk hava til dømis ikki longur sama møguleika at keypa stórar nøgdir niðurfyri. Hetta hevur eisini broytt gerandisdagin hjá Sonju Dalsgaard Nolsøe og teimum á Dúvugørðum.