H71 skrivaði søgu: Menning fyrst og fremst

Besta mansliðið hjá H71 bleiv føroyameistari í gjár, góðar tvær vikur eftir at kvinnurnar hjá felagnum eisini blivu føroyameistarar. Harumframt hava bæði menninir og kvinnurnar hjá H71 vunnið steypakappingina í ár. Sostatt eru øll fýra steypini hjá teimum vaksnu í føroyskum hondbólti savnað á einum stað, og tað er ongantíð hent áður.

Anna Dam, forkvinna í H71, vil tó ikki siga, at felagið er einaráðandi í føroyskum hondbólti, hóast felagið gjørdi slætt borð hjá teimum vaksnu í ár. Tað snýr seg fyrst og fremst um menning, og so koma úrslitini ofta av sær sjálvum.