Almennur útveitingarpolitikkur verður nú orðaður

Løgmaður segði millum annað í ólavsøkurøðu síni, at har tað er gjørligt og skynsamt, skal privata vinnan hava møguleika at bjóða upp á almennar tænastur. Treytin er, at tað fíggjarliga og tænastuliga er betri fyri brúkaran og landið.

Tí er ætlanin at orða ein útveitingarpolitikk.

- Vit skulu hava meginreglur fyri hvussu útveitingarpolitikkurin er, og tí verður politikkur nú orðaður, sigur Ruth Vang, landsstýriskvinnan í fíggjarmálum og forkvinna í Framsókn, um ætlanina at orða ein útveitingarpolitikk fyri almennar uppgávur.