KÍ-liðskiparin: Stóra úrslitið er ikki sodnað enn

KÍ gjørdi í gjárkvøldið enn ein vørr í Champions League-kappingini, tá ið tað á útivølli í Göteborg eydnaðist at vinna samanlagdan sigur á svenska meistaraliðnum, BK Häcken.

Eftir javnleik 2-2 í vanliga dystinum og 3-3 eftir umdyst, megnaði KÍ at avgera alt í brotssparkskappingini og koma víðari í kappingini.

KÍ, BK Hacken, Champions League

Liðformaðurin á KÍ-liðnum, Jákup B. Andreasen, ásannar í morgun, at enn er tað ikki ordiliga sodnað, hvussu stórt avrikið í gjárkvøldið var. 

Árni Frederiksberg, KÍ, BK Hacken

Dagsins maður hjá KÍ var Árni Frederiksberg, ið skjeyt tvey mál í dystinum og legði upp til tað triðja, og haraftrat skoraði hann fyrsta málið í brotssparkskappingini.

KÍ-hópurin er nú á veg úr Göteborg til Kastrup, og kemur við flogfari heim til Føroya í kvøld.

KÍ, BK Hacken, Champions League

Rómurin á KÍ-hópinum og -viðhaldsfólkum var øgiligur eftir dystin í gjárkvøldið. Stór almenn móttøka verður eisini í Klaksvík, tá KÍ-hópurin kemur aftur til landið í kvøld. 

Summarfestivalurin byrjar eisini í dag, og lítið er at ivast í, at KÍ-sigurin eisini fær innivist á festivalinum.