Trupult at halda vallyftini

Tað sigur Bárður á Steig Nielsen, formaður í Sambandsflokkinum, sum hartar politikkin hjá samgonguni.

Hann sigur eisini, at samgongan fer neyvan at lurta eftir teimum ráðum, sum Búskaparráðið kemur við.

Búskaparráðið segði í gjár, at hall verður á fíggjarlógini í ár á 30 milliónir krónur og næsta ár á 200 milliónir krónur.

Men bæði Aksel V. Johannesen, løgmaður, og Ruth Vang, landsstýriskvinna í fíggjarmálum, vísa á, at tey hava onnur tøl, og at fíggjarlógin fer ikki at geva undirskot.   

Bárður á Steig Nielsen kennir ikki hesi tølini.