- Tíðindi, mentan og ítróttur
PolEtikk
"Meiningar hvørva ikki, hóast tær vera bannaðar!"
03-09-2024
PolEtikk er aftur í trimum nýggjum pørtum! Kjakið er hesuferð um talufrælsi. Hesin fyrsti parturin viðger serliga, um vit eiga at lóggeva um talufrælsi
Talufrælsi er evnið, sum á hesum sinni verður viðgjørt í PolEtikk. Evnið verður viðgjørt gjøgnum tríggjar høvuðsspurningar. Í fyrsta parti verður spurt, um vit eiga at lógeva um talufrælsi, og um ja, hvussu. Eisini verður nomið við upprunan til talufrælsi og lóggávu, ið avmarkar hetta frælsið. Komið verður inn á sálarfrøðiligu ávirkanina, ávís tala kann hava, og hvat besti hátturin at basa meiningum, ein ikki dámar, er, umframt nógv annað.
Kjakið er býtt upp í tríggjar partar, ið hvør inniheldur ein høvuðsspurning. Tað er tískil lætt at annaðhvørt lurta eftir kjakinum í trimum pørtum ella at lurta eftir øllum í einum.
Við pallborðið at kjakast um fyrsta høvuðsspurningin eru Bárður á Lakjuni, Hervør Pállsdóttir, Sjúrður Skaale, Bjørt Lind og Heini í Skorini. David Thomassen er orðstýrari og hevur lagt til rættis.
PolEtikk
Poddvarpsrøðin, sum viðger teir stóru politisku og etisku spurningarnar, sum flest øll halda vera áhugaverd og hava eina meining um. Í hvørjum parti verða evnini viðgjørd av einum pallborði, ið er sett saman við tí endamáli at kunnu skapa eitt so gott, fakligt og spennandi kjak sum gjørligt.
PolEtikk er aftur í trimum nýggjum pørtum! Kjakið er hesuferð um talufrælsi. Hesin fyrsti parturin viðger serliga, um vit eiga at lóggeva um talufrælsi
03-09-2024
Hvørjir eru bestu ítøkiligu hættirnir til at skapa javnstøðu millum kynini og basa kynsdiskriminatión? Tað er pallborðið ikki samt um, og kjakið hitnar.
22-09-2022
PolEtikk er aftur, og annað umfar snýr seg um javnstøðu. Hesa ferð spyrja vit: Hvussu eigur tað optimala samfelagið uttan kynsmismun og við javnstøðu at síggja út?
13-09-2022
PolEtikk er aftur, og annað umfar snýr seg um javnstøðu. Í fyrsta parti seta vit spurningartekn við, um vit hava javnstøðu millum kynini, og hvørjir ójavnarnir eru.
05-09-2022
Í seinasta partinum spyrja vit, um kristindómurin skal hava framíhjárætt í føroyska samfelagnum.
12-10-2021
Í øðrum parti av kjakinum um átrúnað og politikk spyrja vit, hvussu sambandið millum politikk og átrúna eigur at vera.
05-10-2021
Í fyrsta parti viðgera vit sambandið millum londini í vesturheiminum og kristindómin. Heini í Skorini, Jógvan Jacobsen og Pætur Marjunarson Dahl manna pallborðið.
28-09-2021