- Tíðindi, mentan og ítróttur
Serfrøðingurin
Í sendingini hesa ferð tosa vit um hvítvasking við Jógvan Páll Lassen, sakførara.
Hvítvasking merkir, at fólk royna at fjala pengar, sum eru fingnir ólógliga, við at flyta teir runt ella brúka teir í handli, so teir síggja út sum vanligir og lógligir pengar.
Tað er eisini galdandi fyri svart arbeiði, sigur Jógvan Páll Lassen:
- Um tú gevur einum hondverkara 10.000 kr. fyri eitthvørt arbeiði, og tað ikki verður uppgivið nakrastaðni, so hevur tú hvítvaska pening mótvegis honum.
Her kunnu báðir partarnir blíva revsaðir, um eingin faktura ella kvittan finst fyri arbeiðið.
Tí er ein góð meginregla, at altíð minnast til at fáa skrivligar váttanir fyri ymiskt arbeiði ella tænastur.
Serfrøðingurin
Serfrøðingurin er vikulig sending, har ljós verður varpað á eitt ávíst evni. Gesturin í sendingin hevur servitan á einum øki og greiðir frá hesum. Harafturat hava lurtarar møguleika at senda inn spurningar til serfrøðingin beinleiðis í sendingini. Nýggjur serfrøðingur er hvørja viku.
