16 ára gomul boðaði Eivør, sum tá var liðug við 9. flokk, frá, at hon fór at leggja alla orku í tónleikin og at stríðast fyri dreyminum um eina yrkisleið sum tónleikari.

Líka síðani hevur Eivør leitað, broytt seg og flutt mørk - og er í dag ein dýrabarur ambasadørur úti í heimi fyri føroyskan tónleik og mentan.

Og nú verður nýggjur kapittul skrivaður.

16. oktober kemur Tungl, nýggja útgávan hjá Eivør. Á tí seinastu, Enn, hugdi hon úteftir, men á Tungl er tað innara í fokus - tað sárbæra, kærleikin, missurin og broytingarnar, sum fylgja okkum gjøgnum lívið.

Eivør er gestur, og hon spælir beinleiðis úr Studio 5.