Vildu smugla níggju kilo av kokaini til Danmarkar

Hetta er aðru ferð í desember, at ferðafólk úr Brasilia eru skuldsett fyri at smugla lutfalsliga stórar nøgdir av kokaini til Danmarkar. 

Um miðjan desember handtók løgreglan eini onnur hjún, sum royndu at smugla meira enn 4,7 kilo av flótandi kokaini og 2,1 kilo sum pulvur.

Tey handtiknu er 23 og 24 ára gomul, og tað vóru tollarar í Kastrup, sum avdúkaðu tey. 

Í grundlógaravhoyring hava tey partvíst játtað seg sek í skuldsetingini um smugling.