Aftur innbrot í FK í Miðvági

Mánanáttina var aftur innbrot í handilinum hjá FK í Miðvági og vekslipengarnir, nakrar túsund krónur, tiknir.

Eitt pengaskáp av tí gamla slagnum, tað vigar fleiri hundrað kilo, varð drigið út á gólvið. Roynt er at fáa skápshurðina upp, men tað er ikki eydnast.

Á jólum var eisini brotið inn í Keypsamtøkuna í Miðvági, og vekslipengarnir tiknir.

Eingin er tikin fyri tað innbrotið og heldur ikki fyri innbrotið mánanáttina.