Einki aldursmark fyri at sita í umboðsráðnum

Nú er ikki longur nakað aldursmark fyri at vera í umboðsráðnum hjá Ognarfelagi tryggingartakaranna.

Aldursmarkið var 70 ár, men tað varð strikað á eykaaðalfundi í Ognarfelagnum fríggjadagin. 

Á eykaaðalfundinum varð eisini samtykt at flyta umboðsráðsvalið frá hálvum januar til hálvan august.

Hetta er gjørt fyri at umboðsfólk, sum skulu velja nevndina í móðurfelagnum P/f Betri á aðalfundinum í apríl, eru fólk, sum hava verið í umboðsráðnum í nøkur ár í staðin fyri fólk, sum eru nývald í Umboðsráðið, tá nevndarvalið var í januar.