Klakkur kemur seinnapartin

Klakkur kemur til Klaksvíkar í dag klokkan eitt.

Klakkur kemur úr Noregi, haðani hann er keyptur. 

Hann fór úr Noregi mánakvøldið. 

Men veðrið hevur verið ringt á veg til Føroya, so Klakkur hevur ikki kunnað siglt við fullari ferð.

Brøðurnir Líggjas og Bethuel Johannesen í Klaksvik hava saman við øðrum keypt skipið.

Talan er um frystilínuskipið Geir II, sum er bygt í 2010.

Keypt í heyst

Smápartafelagið undir Klakki tók við skipinum 2.januar. Men tað varð keypt í september í fjør.

Klakkur er 51,3 metrar langur, 12,4 metrar breiður og tekur 370 tons. 

Skipið hevur tað, tey rópa moon pool, tað er, at línan verður drigin upp gjøgnum botnin, mitt inni í skipinum. 

Skipið hevur eisini flakaverksmiðju.

Ætlanin er, at Klakkur skal hava tvær mannningar.

Gamli Klakkur eitur nú Jákup B.