Starvsmannafelagið: Semingsstovnurin komin uppí

Semingsstovnurin er komin upp í samráðingarnar millum Starvsmannafelagið og Lønardeildina í Fíggjarmálaráðnum.

Terje Sigurðsson, semingsmaður, hevur tosað við partarnar i dag.

Hann hevur biðið um at fáa tilfar frá pørtunum, og hann væntar at hava fingið alt tilfarið mánadagin.

Í løtuni er ikki greitt, nær semingin byrjar.

Sáttmálin fór úr gildi 1. oktober, og fyrsti samráðingarfundurin var 17. oktober.

Síðani hava fleiri samráðingarfundir, men teir hava ikki borið á mál, og í dag varð semingsstovnurin so boðsendur