Hava fingið minni realløn enn onnur

Við einari greining hjá danska tjóðbankanum sum keldu, sigur Starsvmannafelagið, at reallønin hjá limum felagsins er vaksin minni enn hjá øðrum føroyingum.

Felagið vísir til eina greining hjá tjóðbankanum í november í fjør.

Í henni verður sagt, at reallønin í Føroyum er vaksin 20 prosent seinastu seks-sjey árini.

Tað eru 2,6 prosent um árið í miðal.

Bara tvey prosent

Men vøksturin hjá limunum í Starvamannafelagnum er bara tvey prosent.

Limirnir hava tí hesi árini fingið 4,5 prosent ov lítið í reallønarvøkstri.

Hesin munur skal burtur í nýggja sáttmálanum, sigur felagið.

Síðani í oktober í fjør hava Starvsmannafelagið og Lønardeildin í Fíggjarmálaráðnum samráðst um nýggjan lønarsáttmála fyri tann, sum fór úr gildi 1. oktober í fjør.

Nú miðskeiðis í januar er ikki komið á mál, og í gjár varð Semingsstovnurin boðsendur.