Coronavirus: 56 fólk deyð og 2.000 smittað

Talið á teimum, sum eru smittað við coronavirusi, er nógv vaksið, og kinesisku heilsumyndugleikarnir stúra fyri, at virusið verður betur ført fyri at breiða seg.

Tað upplýsti kinesiski heilsumálaráðharrin, Ma Xiaowei, á tíðindafundi í morgun. Nú eru fleiri enn 2.000 fólk smittað.

56 fólk hava latið lív, og tað stendur um lív hjá 140 fólkum, upplýsir kinesiski heilsumálaráðharrin.1.600 heilsustarvsfólk eru send til býin Wuhan, har smittan fyrst varð staðfest.

Heilsustarvsfólk til Wuhan

Heilsumyndugleikarnir halda, at ígerðartíðin - sum er tíðin frá tí, at tú ert smittaður, til tú verður sjúkur - er millum ein og 14 dagar.

Kina hevur eisini sett forboð fyri at selja vill dýr, til tess at forða fyri, at virusið skal breiða seg. 

Coronavirus hevur breitt seg til fleiri lond, millum annað Frakland og USA. Kinesiski heilsumálaráðharrin sigur, at smittan hevur breitt seg til 15 lond.