Bakkafrost sett á reyðalista í Russlandi

Bakkafrost hevur fingið at vita, at óynsktar bakteriur eru funnar, og tað er orsøkin til, at heilsufrøðiligu myndugleikarnir í Russlandi hava sett laks av virkinum á Glyvrum á reyðalista.

Tað merkir, at laksur haðani fyribils ikki kann seljast á russiska marknaðinum.

Bakkafrost hevur útflutt laks til russiska marknaðin seinastu tíggju árini fyri eina hálva milliard krónur um árið í meðal.

Okkurt árið er sølan til Russlands komin upp á 700 milliónir, men í fjør var hon hálvt triðja hundrað milliónir.