- Tíðindi, mentan og ítróttur
Tingast við bretar um fiskiveiðiavtalur
Tingast við bretar um fiskiveiðiavtalur
Í ár verður fiskað eftir avtaluni við ES, men næsta ár skal sínámillum avtala vera klár millum Føroyar og Bretland
Herluf Sigvaldsson umboðar saman við Ingibjørg Thomsen Føroyar á fundinum í London
30.01.2020 - 09:02
Fiskimálaráðini í Føroyum og Bretlandi hava fundir nú í vikuni um fiskiveiðuavtalur, tá Bretland er farið úr ES.
Í ár verður fiskað eftir avtaluni millum Føroyar og ES.
Men í 2021 skal sínámillum avtala vera klár millum Føroyar og Bretland.
Harafturat skulu avtalur um uppsjóvarfisk gerast, tí Bretland er eitt týðandi strandaland.
Uppsjóvarfiskur
Føroyar fiska nógvan uppsjóvarfisk í bretskum sjógvi.
Tá talan er um norðhavssildina, hevði ES als ikki verið við sum strandaland, tí sildin er í bretskum sjógvi.
Fundirnir, sum nú eru í London, eru bara fyrireikandi. Samráðingar eru ikki nú.
Herluf Sigvaldsson og Ingibjørg Thomsen umboða Føroyar á fundunum í London.
Er kopiera
Nýggjastu sendingar í ÚV
Nýggjastu sendingar í SV
