J&K Petersen sleppur at bjóða upp á floghavn

J&K Petersen sleppur at bjóða upp á floghavn
Tilsamans fimm byggifeløg sleppa at bjóða upp á arbeiðið at gera nýggja floghavn í Qaqortoq í Grønlandi
Nýggj floghavn skal byggjast í Qaqortoq, og floghavnirnar í Nuuk og Ilulisat skulu byggjast útt
 
04.02.2020 - 16:23

J&K Petersen Contractors er eitt av feløgunum, sum sleppur at bjóða upp á arbeiðið at gera flogvøll í Qaqortoq í Grønlandi.

Tað skrivar grønlendska kringvarpið.

Tilsamans fimm feløg eru undangóðkend at bjóða: eitt kanadiskt, danska/íslendska Ístak, donsku feløgini MT Højgaard og Munck-Gruppen, og so J&K Petersen Contractors.

Munck Gruppen hevur frammanundan fingið arbeiðini at útbyggja floghavnina í Nuuk og í Ilulissat.

Felagið, sum stendur fyri at byggja floghavnina í Qaqortoq, skal gera avtalu við felagið, sum fær arbeiðið, í mai í ár. Og ætlanin er, at arbeiðið skal byrja í summar.

Ætlanin er, at floghavnin í Qaqortoq skal vera liðug í seinasta fjórðingsári í 2023, skrivar grønlendska kringvarpið.
 

Er kopiera
Nýggjastu sendingar í ÚV
Týsdag 15. juli
Morgunlestur týsdagur 15.juli 2025
194086
Mánadag 14. juli
Poppverturin
194204
Nýggjastu sendingar í SV
Týsdag 15. juli
Veðrið
194514
Týsdag 15. juli
Og ein summardag (1:2)
194521
Mánadag 14. juli
Seinasti vitameistarin
194455
Sunnudag 13. juli
Kappróður á fjarðastevnu
194401