Lendið í Saksun aftur til viðgerðar í dag

Fíggjarnevndin í Sunda kommunu fer klokkan fimm í dag at taka støðu til, um eitt 4.500 fermetrar stórt lendi í Saksun skal bjóðast alment til sølu.

Tað var í síðstu viku, at tað kom undan kavi, at Sunda kommuna hevði selt lendið undirhonds til eitt felag undir stovnan at byggja summarhús á.

Hetta hevur kommunan ikki loyvi til, sigur Hilmar Høgenni, leiðari á Kommunala eftirlitinum.

Heðin Zachariassen, borgarstjóri í Sunda kommunu, hevur viðgingið, at tað var eitt mistak, at økið ikki varð boðið út alment, og tí verður fundur í fíggjarnevndini í dag.