Maður á Arctic Voyager fekk skaða

Sunnudagin fekk MRCC-støðin fráboðan um, at ein av manningini á føroyska uppsjóvarskipinum, Arctic Voyager, hevði fingið skaða, - ikki álvarsligan, men at neyðugt var at fáa hann undir læknahond.

22 ára gamli maðurin hevði fingið skaða av eini tungari ketu, skrivar írski miðilin, RTE. 

Arctic Voyager lá 200 fjórðingar eystur úr Írlandii og í ringum veðri.

MRCC-støðin í Føroyum sendi boð eftir írsku sjóverjuni at koma manninum til hjálpar.

Tyrlan hjá írsku bjargingartænastuni vildi ikki flúgva so langt í ringa veðrinum, og tí sigldi Arctic Voyager  móti bjargingartyrluni, skrivar RTE.

Maðurin varð fluttur á universitetssjúkrahúsið í Cork.