Eingin doping skal vera í venjingarmiðstøðum

Tórshavnar kommuna skal ikki arbeiða saman við venjingarmiðstøðum, sum ikki eru við í anti-doping skipan.

Býráðið fer í kvøld at viðgera hetta málið.

ÍSF hevur biðið kommununa um at taka lógvatak saman við ÍSF um at virka fyri, at doping ikki verður brúkt í venjingarmiðstøðum.

Tórshavnar kommuna hevur samstarv við venjingarmiðstøð, sum ikki hevur gjørt avtalu við ÍSF um anti-doping. 

Noyðast at finna aðra miðstøð

Men samtykkir býráðið í kvøld, at kommunan ikki skal arbeiða saman við slíkum venjingarmiðstøðum, noyðist kommunan at finna aðra venjingarmiðstøð til tey gomlu í kommununi.

Uppskotið verður samtykt, tí bæði umsitingin og nevndir hjá býráðnum mæla til, at tað verður samtykt.

Sambært ÍSF er bara ein venjingarmiðstøð í Tórshavnar kommunu, sum ikki er við í anti-doping skipan.