WHO: COVID-19 er nú ein alheimsfarsótt

- Pandemi er ikki eitt orð, sum skal brúkast ov ofta. Tað er eitt orð, sum, verður tað misbrúkt, kann skapa óneyðugan ótta ella at fólk óneyðugt góðtaka, at nú er stríðið av, og tað kann elva til óneyðuga líðing og deyða, segði aðalskrivarin.

Heitið alheims-farsótt kemur m.a. eftir at corona-tilburðir uttanfyri Kina er 13-faldaðir seinastu tvær vikurnar. Á tíðindafundinum segði Tedros Adhanom Ghebreyesus, at uppgávan skal loysast í felag. 

Smittan hevur rakt meginpartin av heiminum, og hon varð fyrstu ferð staðfest í Kina á nýggjárinum. Síðani tá hevur hon breitt seg. 

Í Danmark eru 442 persónar smittaðir, í Føroyum eru tveir, sambært almennum tølum frá í morgun.