Bygdaleiðir koyra ikki í 14 dagar

Strandfaraskip Landsins taka nú avleiðingarnar av støðuni við coronasmituni, og Bygdaleiðir gevast at koyra fyribils frá í dag til 30. mars. 

Bussarnir gevast at koyra alt fyri eitt. Tað skriva Strandfaraskip Landsins á heimasíðuni.

Atgerðir og trygdartiltøk taka støði í fyrivarni, ið skulu tryggja, at vit hava manningar, bussførarar og aðrar lyklapersónar tøkar.

Verður ein smittaður, skulu øll í nærumhvørvinum í karantenu, og tað kann hava við sær, at allar ferjur og bussar verða tikin úr dagliga rakstrinum í óavmarkaða tíð, sigur Strandferðslan.