Helgi Abrahamsen eigur málsøkið

Landsstýrismaðurin í vinnumálum eigur málsøkið, og tí eigur spurningurin at verða settur honum.

Tað sigur Jacob Vestergaard, landsstýrismaður í fiskivinnumálum, sum hevur svarað einum fyrispurningi frá Jóhannisi Joensen, løgtingsmanni, um ætlanin er at gera nakað til tess at bøta um góðskuna á útróðrarfiski, so útróðrarbátar fáa besta prísin.

Jacob Vestergaard svarar, at góðska á útróðrarfiski er fevnd av matvørulógini og kunngerð um m.a. heilsufrøðiligan rakstur og viðgerð av fiski og fiskaúrdrátti.

Landsstýrismaðurin í umhvørvis- og vinnumálum umsitur matvørulógina og nevndu kunngerð, og tí eigur spurningurin at verða settur honum, sigur Jacob Vestergaard.

Helgi Abrahamsen er landsstýrismaður í umhvørvis- og vinnumálum.