Fyrsta lønarískoytið frá ALS útgoldið

Fyrstu fólkini, sum fáa lønarískoyti frá ALS, fingu pengar í gjár. Pengarnir eru fyri tíðarskeiðið 12. til 22. mars.

Tey, sum ikki fingu í gjár, men fáa umsóknina staðfesta fyri middag í dag, fáa pengarnar í morgin.

Lønarískoytið fyri aðrar umsóknir fyri hetta tíðarskeiðið verður goldið út, so hvørt umsóknirnar eru avgreiddar, upplýsir ALS.

Næsta útgjaldið er fyri tíðarskeiðið frá 23. mars til 5. apríl. Tað verður goldið 7. apríl. Lønarískoytið verður goldið tvær ferðir um vikuna,  so hvørt, sum umsóknir verða skrásettar.

Í morgun eru 1.776 fólk í skipanini, 999 kvinnur og 777 menn.