Ókeypis koppseting fyri lungnabruna til eldri

Fólkatingið og danska stjórnin hava samtykt ein nýggjan koppsetingarpakka, sum millum annað bjóðar ókeypis koppseting móti lungnabruna til tey, sum eru í vandabólki, og tey, sum eru eldri enn 65 ár.

Tað skrivar JyllandsPosten. 

Koppsetingarpakkin skal minka um talið á teimum, sum verða rakt av øðrum álvarsligum smittusjúkum enn korona, fyri at lætta um trýstið á danska heilsuverkið.

 - Tað, sum tú kanst vóna, er, at serliga tey eldru lata seg koppseta, og tað eru serliga tey, sum eru í vanda fyri at fáa lungnabruna. So kanst tú vóna, at talið á lungnabrunum minkar, og trýstið á heilsuverkið eisini, sigur Torben Mogensen, formaðurin í danska lungnafelagnum, og serlækni í doyving.

Stjórnin á Fólkatingið eru komin ásamt um lógina, sum eftir ætlan skal fáa so nógv gomul, fólk í vandabólki og heilsustarvsfólk, sum gjørligt, at lata seg koppseta.

Ætlanin er at koma upp á eitt luttøkutal, sum er 75 prosent.