Ein tilburður afturat

Nú eru tilsamans 179 fólk í Føroyum, ið hava fingið staðfest COVID-19, upplýsa heilsumyndugleikanir í morgun á heimasíðuni hmr.fo

Heilsumyndugleikarnir upplýstu í gjár, at talið tá var 177, men talið skuldi av røttum vera 178, og ikki 177, sum upplýst varð gjáramorgunin.

Sostatt hevur eitt fólk afturat fingið staðfest COVID-19 í Føroyum síðani í gjár. Seinasta samdøgrið vórðu 141 føroyingar kannaðir fyri virus.

Fyrsti tilburðurin í Føroyum varð skrásettur 3. mars. Tá flest tilburðir vórðu staðfestir í einum samdøgri, vóru 19 tilburðir staðfestir. Tað var 16. mars.