Flogbóltsárið endað í ótíð

Mjølnir er føroyameistari í flogbólti í ár. Landskappingin í flogbólti er endað. Nevndin í Flogbóltssambandi Føroya hevur avgjørt, at landskappingin hjá øllum liðum endar nú. 

Feløgini eru hoyrd, og tilmælini frá myndugleikunum eru avgerandi. Nú ongar FM-finalur verða, er støðan nú avgerandi.

Tað merkir, at Mjølnir er føroyameistari hjá bæði kvinnum og monnum í Meistaradeildini. Mjølnir er eisini steypavinnari hjá monnum.

Níggju dystir eru eftir at spæla í Meistaradeildini hjá kvinnum, og hjá monnum eru átta dystir eftir at spæla, nú flogbóltsárið endar í ótíð.