- Tíðindi, mentan og ítróttur
WHO: Latið ikki upp ov skjótt
WHO: Latið ikki upp ov skjótt
Heimsheilsustovnurin, WHO, ávarar nú londini í heiminum um ikki at lata samfelagið ov skjótt uppaftur í sambandi við koronasmittuna
Aðalstjórin í WHO, Tedros Adhanom Ghebreyesus, ávarar nú um ikki at lata heimssamfelagið ov skjótt uppaftur
Mynd: AP (savnsmynd)
07.05.2020 - 08:19
Londini eiga at vera sera varin, tí annars er vandi fyri, at smittan aftur fer at breiða seg skjótt, sigur aðalstjórin í WHO, Tedros Adhanom Ghebreyesus.
Hann mælir til, at heimsins lond hava skipanir, sum kunnu finna smittukelduna, og reglur um sóttarhald. 3.755.341 fólk í øllum heiminum hava korona, og 1.027.321 fólk eru vorðin frísk aftur.
Sjúkan hevur kravt tilsamans 263.831 mannalív, vísa tøl frá John Hopkins universitetinum, sum skrásetir kornatilburðir.
USA er tað landið, har flestu smittutilburðirnir eru í øllum heiminum. Í Evropa eru flestu tilburðirnir í Spania, Fraklandi, Bretlandi og Italia.
Er kopiera
Nýggjastu sendingar í ÚV
Nýggjastu sendingar í SV
