87 metrar boraðir í síðstu viku

Í síðstu viku vórðu 87 metrar boraðir í Sandoyartunlinum, 50 metrar sandoyarmegin og 37 metrar streymoyarmegin.

Sostatt eru nú 3.824 metrar av teimum tilsamans 10.785 metrunum í tunlinum boraðir. Tað eru gott og væl 36 prosent av samlaðu longdini.

Kostnaðurin fyri Sandoyartunnilin er mettur til umleið 1,3 milliardir krónur, og tunnilin verður eftir ætlan liðugur í desember 2023.

Mett verður, at millum 300 og 400 bilar fara at koyra í Sandoyartunlinum um samdøgrið.